სიახლეები

ბათუმის ტექნოპარკში გაიმართა საინფორმაციო ტური ბათუმის #2 საჯარო სკოლის მოსწავლეებისთვის.

ვიზიტის ფარგლებში მოსწავლეებმა მიიღეს ინფორმაცია ტექნოპარკის საქმიანობის შესახებ, ასევე, მიმდინარე ტრენინგები და დაგეგმილი სიახლეები პირადად გააცნო ტექნოპარკის მენეჯერმა ქეთევან ბულისკერიამ.

ფაბლაბის თანამედროვე დანადგარების ფუნქციების შესახებ მიღებული ინფორმაცია ყველაზე საინტერესო და მიმზიდველი აღმოჩნდა მოსწავლეებისთვის.

„ყველა დაინტერესებულ ახალგაზრდას ვისაც აქვს სურვილი გაეცნოს თანამედროვე ტექნოლოგიების გამოყენებას, აქვს იდეები, გეგმები, მოსაზრებები, რომელთა განხორციელება მნიშვნელოვანია და მათი ჩართულობა საჭიროა ჩვენი რეგიონისთვის და მომავალი წარმატებისთვის. ჩვენ ტექნოპარკთან, ბათუმის უნივერსიტეტთან და ახალგაზრდობის რეგიონალურ ცენტრთან ერთად, მხარს დავუჭერთ ყველა ახალ ინიციატივას, რომელიც ორიენტირებული იქნება თანამედროვე ტექნოლოგიების გამოყენებაზე და ინოვაციური პროექტების განხორციელებაზე“ აჭარის განათლების, კულტურისა და სპორტის მინისტრი მაია ხაჯიშვილი.